Procesi ndaj ish-krerëve të UÇK në Hagë, edhe Rexhep Selimit i ikën avokati

Ish-krerët e UÇK-së të cilët po gjykohen në Hagë, po përballen edhe me vështirësi të tjera përveç gjyqit.

Mësohet se pas largimit të avokatit kryesor të ish-presidentit Hashim Thaçi, edhe ish-deputeti i VV-së, Rexhep Selimi po përballet me të njëjtën situatë.

Sipas një dokumenti që është publikuar nga Dhomat e Specializuara të Kosovës, Selimi do të mbesë pa njërin ndër avokatët e tij kryesorë, David Young.

“Më 8 shkurt 2024, avokati i Selimit, i dërgoi një letër shefit të Zyrës së Mbrojtjes duke deklaruar se ai vendosi të ndërpresë punën e z. Young si bashkëpunëtor me efekt të menjëhershëm”, thuhet në dokument, ndërsa arsyet e largimit të tij nuk janë bërë të ditura.

LEXONI GJITHASHTU:

• Hashim Thaçi arrin fitoren e parë në Gjykatën e Hagës: Rrëzohet kërkesa për izolim
• Haxhi Shala deklarohet i pafajshëm ndaj akuzave të prokurorisë në Hagë