Liderët e opozitës kthehen në PD, Bardhi: Gjykata të mos e mbajë më zvarrë PD

Protesta kombëtare e thirrur nga opozita para Kryeministrisë është mbyllur pas rreth tre orësh.

Deputetët e PD, Flamur Noka, Gazment Bardhi, Luçiano Boçi dhe të tjerët u larguan nga sheshi pasi të gjithë përfunduan fjalimet dhe u drejtuan drejt selisë së PD.

Në një deklaratë për mediat para selisë blu, Bardhi i bëri thirrje Gjykatës së Apelit të japë sa më shpejt një vendim lidhur me vulën e partisë për të mos e mbajtur më gjatë zvarrë  PD si partia kryesore e opozitës.

“Ka dyshim më kush se ku është PD, kush i gëzon simbolet e PD? Dhe gjej rastin t’i bëj thirrje së pari Gjykatës së Lartë të zbardhë vendimin dhe të mos zvarrisë më tej çështjen dhe Gjykatës së Apelit që të japë vendimin për vulën e PD. Do vijojmë turin në të gjithë Shqipërinë, turi ynë me qytetarët do të vijojë edhe në mënyrë më intensive me ekip më të gjerë, do kemi një agjendë edhe më të koordinuar  me të gjithë kolegët”, – tha Bardhi.

Protestuesit e opozitës hodhën shishe me molotov para Kryeministrisë menjëherë pas fjalimit të Sali Berishës.

LEXONI GJITHASHTU:

• VIDEO-LIVE| Mbahet protesta e Rithemelimit, Berisha mesazh online qytetarëve
• Protesta e parë pa Berishën, kush po i udhëheq protestuesit drejt Kryeministrisë