Flamurtari nis epokën e re, Oltijon Kërnaja merr drejtimin e vlonjatëve

Pas rënies nga Superliga në Kategorinë e Parë dhe një sezoni jashtë objektivave, Flamurtari i Vlorës ka zyrtarizuar menjëherë trajnerin e ri.

Vlonjatët kërkojnë rikthimin në elitë dhe i kanë besuar pankinën ish-trajnerit të Partizanit, Oltijon Kërnaja, ndërsa lajmi është bërë publik në faqen zyrtare të klubit, ku i urohet mirëseardhja teknikut të ri.

“Flamurtari Football Club i uron mirëseardhjen trajnerit të ri, Oltijon Kërnaja! Me besim te puna, përkushtimi dhe vizioni i tij, i urojmë shumë suksese në drejtimin e skuadrës sonë dhe arritjen e objektivave të përbashkëta. Mirë se erdhe në familjen kuqezi, Oltijon!”, thuhet në njoftimin e klubit vlonjat.