Nderoi Aleksei Navalnyn, revista ruse “zhduket” nga tezgat e Moskës

Një numër i revistës së përjavshme ruse, Sobesednik, kushtuar pjesërisht Alexei Navalnyt, është tërhequr nga tezgat në Moskë, njoftoi bordi i redaktorëve i revistës, teksa autoritetet ruse po vazhdojnë ta luftojnë çdo manifestim publik që e nderon kundërshtarin e ndjerë të Kremlinit.

Vdekja e Navalnyt në një burg të largët të Arktikut u raportua më 16 shkurt, duke nxitur pikëllim dhe zemërim të madh në Rusi dhe nëpër gjithë botën, pasi autoritetet ruse nuk kanë pranuar t’ia dorëzojnë familjes trupin e Navalnyt duke i rritur dyshimet për shkaktarin e vdekjes së tij.

Zyrtarët rusë thanë se shkaktari ishte sindromi “vdekje e papritur”.

Derisa shumica e gazetave të shtypura në Rusi nuk ishin marrë fare me vdekjen e Navalnyt, numri i fundit i Sobesednikut, i cili shfaqte një fotografi të Navalnyt duke buzëqeshur në ballinën e revistës e shoqëruar nga një mbishkrim, “…por ka shpresë!” u lëshua më 21 shkurt.

Ajo përmbante raportime nga përkujtime spontane për vdekjen e Navalnyt në disa qytete ruse dhe komente nga figurat publike, aktivistët për të drejtat e njeriut gazetarët si, fituesi i Çmimit Nobel për Paqe 2021, Dmitry Muratov.

Gazetarja e Sobesednikut, Elena Milchanovskaya, tha për kanalin SotaVision në Telegram se redaktorët nuk ishin njoftuar pse të gjitha kopjet e revistës ishin konfiskuar nga autoritetet në Moskë.

“E gjithë kjo është shumë serioze dhe madje paksa e frikshme për ne”, tha Milchanovskaya.

Vdekja e Navalnyt pasi ishte burgosur në kushte tejet të rënda në burgun e largët të Arktikut, në rajonin verior të Rusisë, Yamalo-Nenets, i nxiti qindra rusë të mblidhen në kujtim të tij, por ata u shpërndanë menjëherë nga autoritetet.

LEXONI GJITHASHTU:

• “Navalny vdiq nga grushti në zemër”, The Times: Si u aplikua teknika e KGB-së
• Nëna e Navalnyt pret në acar përpara burgut: Putin të më kthejë trupin e djalit