“Më përjashtuan nga Universiteti, më arrestuan 3 herë”-Dalipaj: Për çfarë akuzohesha

Agron Dalipaj, autor i botimit të tij të fundit “Mitet, Origjina dhe Gjuha e tyre”, është shprehur se e kanë përjashtuar nga universiteti dhe e kanë arrestuar padrejtësisht tre herë.

Komentet Dalipaj i bëri në emisionin “Review” në Euronews Albania, ku tha se atij i kanë hapur dy gjyqe penale dhe dy civile, me akuza sikur kishte kërcënuar pedagogët e rektorin për nota më të larta dhe sikur kishte shpifur për universitetin.

Ai tha se e ka takuar Gjergji Meron, i cili sipas tij ka qenë në kohën e përjashtimit të tij nga universiteti rektor dhe ky i fundit i ka thënë se i lexon veprat e tij dhe beson në atë që ata bëjnë.

“Kam qenë student kur më përjashtuan, kisha edhe 2 provime. Ka qenë rektor Gjergji Mero rektor, sot më thotë i lexoj librat e tu dhe besoj te ajo që bëni ju. Pasi më përjashtuan, më kanë arrestuar tre herë dhe më kanë arrestuar edhe me vendimin e Gjykatës së Lartë që më kthente në Universitet.

Më kanë hapur 2 gjyqe penale dhe 2 civile, me akuza të çuditshme, sikur unë kisha shpifur për universitetin, sikur kisha kërcënuar rektorin dhe më e çuditshmja ishte se në justifikimin e përjashtimit tim, juristja e universitetit thoshte se Dalipi i ka bërë presion pedagogëve për nota më të larta dhe në disa raste ia ka arritur”, tha Dalipi.

LEXONI GJITHASHTU:

• Autoriteti i Mediave Audiovizive: Nuk kemi marrë asnjë peticion nga intelektualët
• Myftari: Firmëtarët pasi shpërndanë peticionin në rrjetet sociale, heshtën