200 kg dhe 8 metra i gjatë, zbulohet gjarpri më i madh në botë

Gjarpri më i madh në botë u zbulua në pyjet tropikale të Amazonës! Anakonda e gjelbër veriore, gati tetë metra e gjatë dhe peshon pothuajse 200 kilogramë, u zbulua nga profesori dhe prezantuesi televiziv Freek Vonk.

Përkundër faktit se anakonda kishte një kokë me madhësi njerëzore, profesor Vonk nuk kishte frikë t’i afrohej përbindëshit. Pamjet e pabesueshme tregojnë një biolog holandez duke notuar pranë një anakonde gjigante të trashë sa një gomë veture.
Deri më tani, vetëm një specie e anakondës së gjelbër – e quajtur edhe anakonda gjigante – ishte njohur në Amazon.

Anakonda e gjelbër veriore tani është konfirmuar si një specie e veçantë në një studim të ri të botuar në Diversity.

“Së bashku me 14 shkencëtarë të tjerë nga nëntë vende, zbuluam se lloji më i madh i gjarpërinjve në botë është anakonda e gjelbër. Ato janë në fakt dy lloje të ndryshme. Anakondat e gjelbra të gjetura në veri të zonës së tyre në Amerikën e Jugut, duke përfshirë Venezuelën, Surinamin dhe Guianën Franceze, duket se i përkasin një specie krejtësisht të ndryshme. Edhe pse në pamje të parë duken pothuajse identike, dallimi gjenetik mes tyre është pesë për qind e gjysmë, që është i madh. Për shembull, njerëzit dhe shimpanzetë ndryshojnë gjenetikisht nga njëri-tjetri vetëm me rreth dy përqind”, tha Vonk.

Llojit të ri iu dha emri latin Eunectes akaiima ose anakonda e gjelbër veriore. Studiuesit thonë se tashmë është në rrezik.