Ambasada Britanike në Tiranë: Përshëndesim dakordësimin mes PS dhe “Rithemelimit”

Ambasada Britanike në Tiranë ka reaguar pas arritjes së një dakordësia mes PS dhe “Rithemelimit” gjatë ditës së sotme, e cila i jep fund aksionit radikal opozitar në Parlament.

Me anë të një statusi në faqen zyrtare të ambasadës në Facebook, ajo është shprehur se është thelbësore që deputetët e të gjitha partive të fokusohen në rolet e tyre kryesore, në shqyrtimin e legjislacionit dhe punës së qeverisë në interes të gjithë qytetarëve shqiptarë.

“Ambasada Britanike në Tiranë përshëndet progresin e njoftuar sot në lidhje me Parlamentin dhe përpjekjet e të gjithë atyre që u përfshinë për ta bërë këtë të mundur. Presim me padurim rikthimin e rendit normal në Parlament.

Është thelbësore që deputetët e të gjitha partive të fokusohen në rolet e tyre kryesore, në shqyrtimin e legjislacionit dhe punës së qeverisë në interes të të gjithë qytetarëve shqiptarë”,-thuhet në postimin e ambasadës.

LEXONI GJITHASHTU:

• Marrëveshja me opozitën, Delegacioni i BE: Parlamenti që funksionon mirë, thelbësor
• Dakordësia PS-Rithemelimi, Alibeaj: ‘Revolucioni’ i Berishës paska qenë gënjeshtër