Vrasja e Bejtjas, si u lirua një muaj më parë autori i dyshuar i atentatit të 2023

Një nga personat e dyshuar për atentatin e korrikut të 2023 ku mbeti i vdekur Ramazan Sino, kunati i Gentian Bejtjas (i cili u ekzekutua sot) dhe të plagosur dy fëmijët e mitur të këtij të fundit, u lirua nga qelia në janar të këtij viti.

Bëhet fjalë për Valter Bamin, lirimi i të cilit erdhi pasi Prokuroria e Tiranës, nuk provoi dot as prova lidhur me dyshimet që kishte dhe as për gjurmët e barutit në duart e tij.

Kjo sepse organi i akuzës së kryeqytetit nuk arriti ti provonte dyshimet brenda afatit 6 mujor të paraburgimit.

Ndërkohë, Euroneës Albania mëson se së fundmi, Prokuroria e Tiranës ka bërë kërkesë për pushimin e çështjes, por ende nuk është shqyrtuar në gjykatë.

Për llogari të hetimit ndaj Bamit u bënë tre ekspertiza të grimcës së barutit të gjetur në gishtin e dorës se majtë dhe ka rezultuar barut i njëjtë në përbërje kimike me barutin e plumbave të pistoletës zhurmuese që posedonte Valter Bami, që sipas pretendimeve të tij e dispononte me leje e për këtë paraqiti edhe dokumentin përkatës.

Dyshohet se mes vëllezërve Bami dhe ish-punonjësit të burgjeve Gentjan Bejtjas ka pasur përplasje, pasi ata dyshonin se nëse Bejtja do të fliste, do të zbardheshin disa ngjarje kriminale në Fushë-Krujë.

LEXONI GJITHASHTU:

• Tentoi të largohej, u qëllua pranë një magazine, detaje nga vrasja e Gentjan Bejtjas
• I dyshuar si i përfshirë në atentatin ndaj Gentian Bejtjas, lirohet Valter Bami