FOTO| Golfi i zi pa targa me të cilin u larguan ekzekutorët e Gentjan Bejtjas

Policia arrestoi sot dy prej personave që dyshohet se kanë marrë pjesë në vrasjen e Gentian Bejtjas në Fushë-Krujë disa ditë më parë.

Në pranga janë vënë shtetasit Edison Haxhiu dhe Ilir Beqaraj alias Brahimi, alias Mançellari. Policia bëri me dije se ekzekutorët e Gentian Bejtjas, pasi dogjën makinën e krimit, dyshohet se u larguan nga Fushë Kruja me një mjet Golf të zi pa targa në pjesën e pasme.

Euronews Albania ka siguruar foton e mjetit me të cilin autorët u larguan pas krimit në drejtim të rrugës kryesore Thumanë-Fushë Krujë, kanë devijuar djathtas në mbikalimin e Fushë Krujës dhe janë larguar në drejtim të fshatit Bubq, Krujë.

Automjeti është filmuar nga kamerat e sigurisë dhe çoi në arrestimin e dy personave. Një prej tyre edhe pronari i makinës, Edison Haxhiu, i cili dyshohet se u ka vënë autorëve mjetin në dispozicion për t’u larguar.

LEXONI GJITHASHTU:

• Fotot e të arrestuarve për vrasjen e Gentian Bejtjas
• EMRAT| Policia zbardh dinamikën e atentatit ndaj Gentjan Bejtjas, 2 të arrestuar