“Sheikët” në cirkuitin e shpejtësisë së pastër

Formula 1 është një sportet më të kushtueshme dhe kjo konfirmohet edhe nga listë pagesat e vitit 2024.

Në të do të shohim se Max Verstappen përfiton $55m nga Red Bull, cka konfirmon se nuk është e thjeshtë të përballosh një kampion Bote në skuderi.

I 2’ti në listën e sheikëvë në pistë qëndron Lewis Hamilton që i kushton jo pak Mercedes, nga arkat e gjermanëve për anglezin dalin $45m. Më pak se ½ e asaj që 7 herë kampioni do të përfitojë 1 vit më pas në Maranello. E pikërisht te Ferrari gjejmë pilotin e 3’të më të paguar në cirkuit, ai është Charles Leclerc me $34m.

I 4’ti ose i fundit që përfiton të paktën $20m është Lando Norris në listëpagesat e McLaren. Dy janë pilotët që paguhen $18m në një vit, britaniku George Russell tek Mercedes dhe spanjolli Fernando Alonso tek Aston Martin. 4 milionë më pak përfiton Sergio Perez në vitin e fundit të kontratës tek Red Bull që ndiqet nga Carlos Sainz  me $12m edhe ai në sezonin e fundit tek Ferrari.

Valtteri Bottas është i fundit që paguhet në shifra dyfishe. Kick Sauber shpenzon $10m në vit për të. Pilotët më të varfër në Formula 1 janë Daniel Ricciardo që përfiton $7m nga Visa Cash, Esteban Ocon me $6m nga Alpine, shifër e njëjtë me shokun e skuadrës Pierre Gasly dhe Oscar Piastri’n te McLaren.

$5m paguan Haas për Kevin Magnussen, 2 më pak Williams për Alex Albon dhe Aston Martin për Lance Stroll. $2m përfiton Nico Hulkenberg nga Haas, shifër e njëjtë me atë të Guanyu Zhou nga Kick Sauber. Në fund Yuki Tsunoda dhe Logan Sargeant që garojnë për $1m me Visa Cash dhe Williams.

LEXONI GJITHASHTU:

• Nga futbolli në Formula 1, Gasly investon te FC Versaille
• Klasifikimi Power Ranking pas garës së 2-të në Formula 1