“5 mijë euro të lirohesh”| GJKKO lë në burg kreun e Dhomës së Avokatisë në Korçë

Gjykata e Posaçme ka rrëzuar kërkesën e mbrojtësve ligjor të kreut të Dhomës së Avokatisë në Korçë, Arben Lena, për ndryshimin e masës së sigurisë.

Lena aktualisht ndodhet në burg për veprën penale të “Ushtrimit të ndikimit të paligjshëm tek personat që ushtrojnë funksione publike”.

Avokati ra në pranga pasi sipas SPAK, në këmbim të pesë mijë eurove, premtoi zbutjen e masës së sigurisë ndaj shtetasit Bledar Koçizi, i cili ishte arrestuar për trafikim të emigrantëve.

Për të mos e mbajtur në burg, Korçizi ka premtuar një pagesë prej 5 mijë euro ndaj kreut të Dhomës së Avokatisë në mënyrë që ky i fundit të ndikonte tek gjykata dhe prokurorët.

LEXONI GJITHASHTU:

• Arrestohet me urdhër të SPAK kreu i Dhomës së Avokatisë Korçë, Arben Lena
• Dhunonte gruan e fëmijët dhe i kërcënonte me vdekje, arrestohet 50-vjeçari në Tiranë