Euro nis rënien, shënohet niveli më i ulët që nga dhjetori

Euro e mbyll javën nën 103 lekë, niveli më i ulët që nga dhjetori. agjentët e tregut thonë se ndryshimi i kursit vjen për shkak të turizmit të zgjatur dhe investimeve, të cilat kanë sjellë shtim të valutës në treg.

Euro e mbylli javën duke zbritur poshtë 103 lekëve, rënia më e madhe që nga dhjetori 2023.

Sipas kursit zyrtar të Bankës së Shqipërisë, euro këmbehet me lekun në çmimin e 102.74, duke zbritur 1,8% nga fillimi i vitit dhe 10% nga e njejta periudhë e vitit të kaluar.

Duket se leku me përfundim të sezonit dimëror dhe afrimit të stinës së verës ka nisur forcimin e tij kundrejt euros. Agjentët e tregut i atribojnë trendin prurjeve të mëdha të valutës së huaj në treg, të lidhura kryesisht me turizmin. Të dhënat e fundit e publikuara nga INSTAT mbi strukturat akomoduese sugjeruam dhe një zgjatje të netëqendrimeve dhe hyrjeve të vizitorëve të huaj, edhe në muajt e ftohtë të vitit, duke dëshmuar kështu për një zgjatje të sezonit turistik në Shqipëri përtej ati tradicional.

Gjithashtu edhe interesi i shtuar i investitorëve të huaj, përbën një tjetër faktor që sipas ekspertëve, ka kontribuar në një ekuilibër më të avantazhuar për lekun kundrejt euros.

I njejti trend është ndjekur edhe nga valutat e tjtera, ku dollari amerikan u këmbye të ejnten me 94.12 lekë dhe poundi britanik me 120.2 lekë, vlerat më të ulta që nga fillimi i vitit.

Forcimi i lekut ka ndikuar dhe në mbrojtjen e goditjeve inflacioniste. Gjatë deklaratës së fundit të Këshillit Mbikëqyrës, niveli i inflacionit për muajin që lamë pas ishte 2.6%, jashtë pritshmërive të Bankës së Shqipërisë. Guvernatori Gent Sejko, theksoi se nëse skenari vijon  injejtë, politika monetare do të duhet të aplikoj një ulje të normës së interesit.

Forcimi i Lekut ka qenë sipas Bankës faktor kyç në uljen e inflacionit dhe ka ndihmuar ndjeshëm në ruajtjen e cilësisë portofolit të kredisë në valutë, duke amortizuar rritjen e normave të interesit në euro. Por, nga ana tjetër leku i fortë ka dëmtuar ndjeshëm sektorët eksportues të ekonomisë dhe sidomos atë të fasonerisë.

LEXONI GJITHASHTU:

• Të dhënat në tregun valutor, sa tregtohen sot valutat e huaja në vend
• Inflacioni zbret në 2.6%| Stabilizohet tregu i ushqimeve, niveli më i ulët nga 2021