Belgjika vendi i parë që ndalon cigaren elekronike. Vendimi hyn në fuqi në 2025

Nga 1 janari Belgjika do të ndalojë cigaret elektronike. Kjo nismë mori miratimin nga Komisioni Evropian ditën e shtunë njoftoi Ministri Federal i Shëndetësisë Frank Vandenbroucke (Vooruit)

Pirja e duhanit është një nga shkaqet më të mëdha të sëmundjeve ose vdekjeve të parandalueshme në Belgjikë. Si pjesë e “planit kundër duhanit”, masa të shumta u prezantuan vitet e fundit për të siguruar që njerëzit do të motivoheshin gjithnjë e më shumë për të lënë duhanin nga njëra anë dhe për të mos filluar duhanin nga ana tjetër. Cigarja elektronike shkakton shumë dëme për shëndetin dhe mjedisin.

 Ky produkt i dëmshëm synon kryesisht të rinjtë tanë. Prandaj jam i kënaqur që mund ta heqim këtë nga tregu”, tha ai në një deklaratë për shtyp.

 Marketingu për këto vape është “shumë i zgjuar” dhe “i orientuar drejt të rinjve”. Ndërsa shitja e vapave për të miturit është aktualisht e ndaluar në Belgjikë, përdorimi i tyre është ende i përhapur dhe një inspektim i vitit 2023 tregoi se rreth tre në katër pika shitjesh u shisnin të miturve vapa njëpërdorimshme, edhe pse është e ndaluar.

Plani kundër duhanit i Vandenbroucke, i botuar në vitin 2021, tregoi tashmë se autoritetet donin të ndalonin shitjen e cigareve elektronike njëpërdorimshme nga viti 2025.

Rregullat bazë në lidhje me produktet e duhanit janë përcaktuar në Direktivën për Produktet e Duhanit dhe ndalimi i produkteve të duhanit (ose derivateve të tyre) duhet së pari të vlerësohet kundër kësaj direktive. Për tre vjet u kërkuan argumente shtesë, por më në fund Komisioni dha dritën jeshile këtë javë.

LEXONI GJITHASHTU:

• Pensionistët me llogari bankare, nga 1 prilli shërbimi i pagesave me kartë
• Largimi i Ficos nga drejtimi i QSUT, Koçiu: S’ka lidhje me zjarrin te Urgjenca