Arrestimi i Jorgo Goros/ Analisti: SPAK po tregon se s’ka komplekse!

25 Mars 2024 | 19:18

Analisti Ergys Mërtiri ishte këtë të hënë i ftuar në Euronews Albania për të folur rreth arrestimit të kryebashkiakut në detyrë të Himarës. Jorgo Goro u arrestua me kërkesë të SPAK ditën e shtunë, ndërsa mbi të rëndojnë akuzat e shpërdorimit të detyrës dhe falsifikimit të dokumenteve.

Mërtiri tha se ky veprim nga ana e prokurorisë së Posaçme tregoi edhe njëherë se SPAK nuk ka komplekse, ai solli në vëmendje se Goro është arrestuar pas një kallëzimi të bërë nga kryebashkiaku i zgjedhur, por ende i pabetuar i Himarës, Fredi Beleri, i cili gjithashtu është i arrestuar me kërkesë nga SPAK pasi akuzohet për korrupsion aktiv në zgjedhje.

“Tregon atë që të paktën unë e kam theksuar që është tregues i rëndësishëm i asaj që po bën drejtësia e re. Për mua SPAK po tregon që nuk ka komplekse të hetojë edhe njerëzit e Ramës dhe kundërshtarët e Ramës.

Në të njëjtën kohë po dënon Belerin, i cili ishte kundërshtari i Ramës, për të cilin policia ka çuar disa prova, nuk e di SPAK-u e vendos nëse merren parasysh ato prova. Por nga ana tjetër SPAK po godet edhe personin e denoncuar nga Beleri, i cili tha se gjithçka është bërë për të mbrojtur interesat që ka Edi Rama për Himarën, për të shitur dhe blerë Himarën e për tu pasuruar në kurriz të saj”,-tha Ergys Mërtiri.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Arrestimi i Jorgo Goros/ Burimi: Ti sekuestrojnë pasurinë, burgu s’i bën gjë

Gazetari Genc Burimi ishte këtë të hënë i shtuar në Euronews Albania ku komentoi burgosjen e kryebashkiakut në detyrë Jorgo Goro. Ai tha se shpreson...
19:55 | 25/03/2024

“Merre ose lëre”- Eksperti: Çfarë do të thotë për Ballkanin nëse rikthehet Trump

Eksperti i sigurisë Adrian Shtuni ishte këtë të enjte i ftuar në një intervistë për Euronews Albania ku tha se nëse Donald Trump do të...
15:48 | 02/02/2024

Mësuesit paralajmërojnë protesta, Mehmeti: Skllevër të shtetit! SMIP, për t’i lodhur

Pedagogu Ndriçim Mehmeti është shprehur se mësuesit në Shqipëri janë skllevër të shtetit. Komentet Mehmeti i bëri në Euronews Albania, ku komentoi paralajmërimet e mësuesve...
15:25 | 02/02/2024