”S’do të ketë pengesë për lirinë e votës”, Ekonomi e cilëson si përgjegjësi kryesimin e listës së PS në Durrës

Milva Ekonomi, kandidatja e renditur e para në listën e Durrësit nën siglën e PS-së, u shpreh në Euronews Albania se është një përgjegjësi e madhe për të ky pozicion në listë.

“Ajo që vihet re në qarkun e Durrësit është që qarku i Durrësit ka pasur më shumë nevojë për përfaqësim sepse u godit edhe nga tërmeti”, u shpreh ministrja e Bujqësisë.

Ndërkohë gazetarja Esmeralda Mulaj i përmendi edhe përgjimet e vitit 2017 për cenimin e votës, ku zonja Ekonomi theksoi se për këtë çështje duhet të flasë drejtësia.

“Unë mendoj që edhe në zgjedhjet e kaluara, qytetarët u lanë të lirë që të shkonin të votonin. Është pikërisht drejtësia ajo që i vë në vend këto gjëra që po mendojmë”, tha zonja Ekonomi.

Ministrja nënvizoi se në zgjedhjet e 25 prillit qytetarët e kanë të qartë sesi do të votojë dhe liria e  votës është një liri themelore dhe ata kanë të drejtë të zgjedhin.

“Nuk ka pengesë për këtë dhe nuk do të ketë pengesë”, u shpreh ajo.