Zgjedhjet e 25 prillit, Basha: Nisim luftë të vërtetë kundër krimit dhe korrupsionit

Kryetari i Partisë Demokratike, Lulzim Basha deklaroi se pas zgjedhjeve të 25 prillit do të nisë një luftë e vërtetë kundër krimit dhe korrupsionit.

“Ne duhet të nisim një luftë të vërtetë dhe një përpjekje kombëtare të vërtetë kundër korrupsionit dhe krimit të organizuar dhe trafikimit të narkotikëve. Kjo nuk ka ndodhur gjatë 8 viteve të shkuara”, theksoi kryedemokrati Basha.

Gjatë një forumi të organizuar nga Fondacioni Konrad Adenauer dhe Akademia Politike, Basha theksoi se gjatë këtyre 8 viteve nuk është bërë asgjë për rritjen e bashkëpunimit me vendet e BE.

“Qeveria nën drejtimin tim do të drejtojë këto përpjekje me buxhete madhore me rritjen e forcave të sigurisë me përdorimin e teknologjisë dhe me bashkëpunimin më të ngushtë të mundur me vendet e Bashkimit Evropian dhe partnerët tanë strategjikë në mënyrë që të sigurojmë eliminimin e plotë të krimit në Shqipëri. Kёtё nuk janë vetëm njё parё zgjedhje por ёshtё njё lufta pёr demokraci”, u shpreh Basha.