Italia e izoluar deri në maj, shtohen rajonet me ngjyrë të kuqe

Italia do të vijojë të qëndrojë e izoluar deri në muajin maji dhe duke nisur nga e hëna më shumë se gjysma e vendit do të jetë zonë e kuqe.

Kalabria, Toskana dhe Valle d’Aosta u bashkohen 7 rajoneve dhe provincës autonome të Trentos në të cilën janë në fuqi kufizimet më të strikte ndërsa Lazio rikthehet sërish  në portokalli.

Por në të gjithë zonën e kuqe do të vijojë mësimi deri në klasën e gjashtë, ndërsa në ato portokalli të gjithë nxënësit deri në klasën e tetë dhe 50% të nxënësve të shkollës së mesme do të jenë në klasë.

Qeveria e shtetit fqinj konfirmon vijimin e masave strikte kufizuese dhe pas Pashkëve.

Deri më 30 Prill, nuk lejohet , asnjë lëvizje midis rajoneve, bare dhe restorante do të vijojnë të jenë të kyçura. Zona e verdhë u anulua deri në fund të muajit. Dhe nga nesër deri në 4 Prill, pesë komuna të Bazilikatës do të jenë në “zonën e kuqe”: Masat kufziuese kane shkaktuar debate mes forcave politike.

Nëse pas Pashkëve, për dhjetë ditë, gjendja shëndetësore në shumë qytete italiane do të jetë e qetë dhe nën kontroll, shprehet udhëheqësi i Lega Matteo Salvini, do të jetë e drejtë të rihapni bare, restorante, shkolla, palestra, teatro, qendra sportive dhe të gjitha aktivitetet që mund të rifillojnë në mënyrë të sigurt.