Arsenal qëndron në krye/ Foden “tripletë” ndaj Vilës, Brighton ndalet nga Brentford

Arsenali vijon të udhëheqë kampionatin anglez, ndërsa ka marrë një tjetër fitore në javën e 30.

Të besuarit e Mikel Artetës mposhtën Lutonin në shifrat 2-0, duke hipotekuar 3 pikët e radhës, të cilat i mundësojnë qëndrimin në krye, 1 pikë më tepër se Liverpool, por me një ndeshje më shumë.

Në Emirates sfida u zgjidh shpejt, me londinezët që kaluan në avantazh me Odegaard, por një autogol i Hashiokas i dërgoi shifrat në 2-0, që në fraksionin e parë, rezultat që qëndroi i pandryshuar deri në fund, me Arsenalin që numëron 68 pikë.

Në përballjet e tjera, Manchester City likujdoi Aston Villan, ndërsa Brighton barazoi pa gola me Brentford.

The cityzens dominuan kundërshtarin duke shënuar që në fillim me Rodrin, ndërsa Duran riktheu ekuilibrat. Në minutat në vijim ishte Foden që realizoi një tripletë, për të vulosur fitoren 4-1.

Man City rikthehet tek triumfi pas dy barazimeve radhazi, ndërsa e sheh veten në vendin e tretë. Brentford–Brighton ishte ndeshja e vetme e së mërkurës që nuk prodhoi gola, ndërsa këtë mbrëmje luhen Liverpool–Sheffield dhe Chelsea–Manchester United.

LEXONI GJITHASHTU:

• Kosovë-Serbi pa marrëveshje për dinarin, Lajçak: Do vazhdojmë diskutimet
• Raporti vjetor i SPAK, zbulohet sa persona janë mbajtur nën përgjim