Vlorë, rritja e çmimit të naftës rrezikon falimentin e peshkatarëve

Ndërkohë që në treg është reflektuar rritja e çmimit të peshkut dhe produkteve të detit, peshkatarët ankohen se një pjesë e mirë e flotës nuk po del më në det për shkak të rritjes së çmimeve të naftës dhe shumë prej peshkatarëve po shkojnë drejt falimentimit.

“Nafta është shumë  e lartë, po të shikosh me pagat me çmimet e peshkut, nafta është  shumë e lartë, këta peshkatarët sa të zënë i marrin dy lekë, por të zotit të anijes nuk i ngelet asgjë”

Sipas të dhënave për ndryshimet në çmimin e naftës, pavarësisht lehtësimit për këtë kategori nga akciza dhe taksa e qarkullimit, pranverën e vitit 2023, peshkatarët e blinin një litër naftë me 70 lekë, ndërsa tani paguajnë 100 lekë për litër.

 “Jam futur deri këtu në borxhe, shteti na rrjep, na ka marrë lëkurën tani s’ka ca na bën më, ka vajt me 1 mijë lekë çmimi naftës, peshk nuk ka, lekët i duan këta, kam një thirrje ti them atij kryetarit të  bashkisë  që unë s’kam punë me gjelbërimin dhe me ndriçimin në det, ai na tha do i ulim taksat, më shumë na i ngriti.”

Përveçse është e domosdoshme për ta puna që bëjnë, ata theksojnë se sektori është jetik për të gjithë qytetin, por nuk gjen mbështetje nga qeveria.

 “Nuk i mbështet shteti fare, me asgjë ”

Një peshkarexhë harxhon deri në 300 litra për të dalë në lundrim. Me 70 anije të regjistruara, të cilat po pakësohen dita-ditës, ‘Triporti’ ka dhe mjaft probleme në infrastrukturë.

LEXONI GJITHASHTU: 

• Konfirmohet identiteti i më shumë se 50 mijë ushtarëve rusë të vrarë në Ukrainë
• Ndahet nga jeta gazetari i njohur i kronikës së zezë