E rëndë në Greqi, 15-vjeçari përdhunohet nga sokët e klasës në eskursion

Një ngjarje e rëndë raportohet të ketë ndodhur në Greqi, ku një 15-vjeçar dyshohet se është abuzuar seksualisht nga shokët e klasës gjatë një eskursioni në Janinë.

Babai i viktimës ka bërë denoncimin në komisariat sapo është njoftuar nga djali i tij për atë që ka ndodhur.

Sipas asaj që ka denoncuar babai, ngjarja tronditëse ka ndodhur pas mesnatës së të premtes, kur nxënësit e gjimnazit janë kthyer në hotel, ku po qëndronin me shokët dhe mësuesit që morën pjesë në ekskursion.

Sipas babait, djali i tij 15-vjeçar, është zgjuar nga gjumi pasi ka ndjerë abuzimin e shokëve të tij.

Pasi është zgjuar ai ka parë në shtrat autorin 15-vjeçar dhe një nxënës tjetër. Ndërkohë që raportohet se në krevatin ngjitur ishin dhe 2 nxënës të tjerë të cilët po qeshnin teksa shikonin të gjithë skenën.

Mediat greke bëjnë me dije se menjëherë u njoftuan Prokurori i Shërbimit për të Mitur si dhe prindërit e autorëve të mitur, ndërsa tre 15-vjeçarët u arrestuan.

Për t’u marrë në pyetje u thirr dhe drejtoresha e shkollës së mesme, ndërkohë që hetimet në lidhje me rastin vijojnë.

LEXONI GJITHASHTU:

• Robinho dënohet me 9 vjet burg për përdhunim
• Historia tronditëse: Barbaria e përdhunimeve në grup nga serbët në sy të burrit