Përfshihen nga flakët tri banesa në Kuçovë, dëme të mëdha materiale

Tri banesa në lagjen “1 Maji” në Kuçovë janë përfshirë nga flakët mesditën e sotme. Mendohet se shkak për rënien e zjarrit është bërë një shkëndijë elektrike. Pas rënies së zjarrit, banorët kanë dalë nga banesat duke pritur shërbimet zjarrfikëse.

Në ndihmë të forcave të pakta zjarrfikëse të qytetit të Kuçovës kanë shkuar 4 mjete zjarrfikese dhe 10 efektivë nga Drejtoria e Shërbimit Zjarrfikës Berat.

Zjarri është përhapur me shpejtësi dhe vetëm rreth 35 minuta pas rënies së tij zjarrfikësit kanë mundur të lokalizojnë flakët dhe ta shuajnë atë, duke shmangur edhe përhapjen drejt banesave të tjera ngjitur.

Si pasojë e zjarrit, që tashmë është fikur plotësisht, ka pasur dëme të mëdha materiale në të tre banesat por fatmirësisht nuk ka pasur asnjë të lënduar.

LEXONI GJITHASHTU:

• Pashkët në Berat e Kuçovë/ Besimtarët katolik festojnë ringjalljen e Krishtit
• Banorët e 3 fshatrave të izoluar në Kuçovë: Kalojmë në urë të shkatërruar