Ramazani| Rama shtron darkën e Iftarit: Ndarje buke mes të fortëve dhe të dobtëve

Kryeministri Edi Rama, ka shtruar mbrëmjen e sotme një darkë iftari me rastin e Muajit të Shenjtë të Ramazanit.

Gjatë darkës, Rama mbajti edhe një fjalë të shkurtër, ku u shpreh se është virtyt t’i nënshtrohesh disiplinës së fortë të agjërimit.

Ai tha gjithashtu se Iftari është një ndarje buke mes më të fortëve dhe atyre më pak të fortë.

“Edhe unë njësoj si agjëruesit mezi e pres këtë iftar bashkë me Lindën e këdo që angazhohet që sofra të ketë frymën e një mbrëmjeje që na mbledh bashkë as feja, as gjuha, por ndjesia e përkatësisë ndaj diçkaje të njëjtë, të cilës i gjejmë emra të ndryshëm, ose i gjejmë afërsinë e pakufizueshme. Pa u munduar ti vëmë emër i ndjejmë afërsinë e pakufizueshme.

Vakti i iftarit nuk është i pazakonshëm. Iftari është një ndarje buke mes më të fortëve, atyre që duke agjëruar mposhtin dobësitë e trupit dhe atyre më pak të fortëve.

Është virtyt ti nënshtrohesh disiplinës së fortë të agjërimit në këtë muaj që jo më kot quhet i madhërishëm pra lartësues. Unë sot bëj pjesë te kategoria e më pak të fortëve. E shoh të virtytshme edhe uljen e jo agjëruesve në tavolinën e iftarit”, tha Rama.

LEXONI GJITHASHTU:

• Video| Myslimanë e të krishterë së bashku në tryezë, festojnë Ramazanin dhe Pashkët
• Ritet e muajit të Ramazanit|Gjirokastër, të shumtë besimtarët myslimanë që agjërojnë