Ministri ukrainas: Rusia ka goditur 4\5 e termocentraleve konvencionale

Rusia ka goditur deri në 80 % të termocentraleve konvencionale të Ukrainës dhe gjysmën e hidrocentraleve të saj, ka thënë ministri ukrainas i energjisë, German Galushchenko.

Sipas mediave të huaja, sulmet e fundit kanë qenë më të rëndat që nga fillimi i luftës, shtoi Galushchenko, sipas agjencisë së lajmeve AFP.

Moska besohet se ka nisur sulme pothuajse të përditshme në rrjetin elektrik të Ukrainës që nga fundi i muajit të kaluar.

Kharkiv, qyteti i dytë i Ukrainës, ka pësuar ndërprerje të energjisë elektrike.

“Deri në 80% e gjenerimit termik u sulmua,” u tha Galushchenko gazetarëve në Kiev.

“Më shumë se gjysma e prodhimit të hidrocentraleve dhe një numër i madh nënstacionesh po ashtu”, tha ai më tej.

Ky është “sulmi më i madh në sektorin energjetik të Ukrainës” që nga fillimi i konfliktit në shkurt 2022, tha ministri.

Galushchenko tha se “shkalla dhe ndikimi i këtyre sulmeve është shumë më i madh” se ato të mëparshme.

Stacioni më i madh bërthamor i vendit, në Zaporizhzhia, u kap nga trupat ruse jo shumë kohë pasi ata nisën pushtimin e vendit.

LEXONI GJITHASHTU:

• BE stërvit trupat ukrainase, 46 mijë ushtarë marrin pjesë në misionin EUMAM
• Ukraina njofton se ka rrëzuar 17 dronë rus