SPAK jep pretencën për bandën e Cukalit, 25 vite burg për të fortin e Myslim Shyrit

Prokuroria e Posaçme ka dhënë pretencën për bandën e të “fortit” të Myslym Shyrit, Gjergj Cukali.

Prokurorët e SPAK, Behar Dibra dhe Ened Nakuçi kerkuan denimin e Gjergj Cukalit me 25 vite burgim, ndërkohë që për Blendi Dedën u kërkua 22 vite burg dhe 21 për Paris Prengën.

Ndërkohë që për të penbduarit e drejtësisë, Enver Jamaku dhe Ermond Jamaku, prokuroia kërkoi 8 vite burgim.

SPAK nisi hetimin për Gjergj Cukalin, pas deklarimeve të dëshmitarëve të bashkëpunëtorëve të drejtësisë, vëllezërve Enver dhe Edmond Jamaku.

Enver Jamaku tha se Cukali i ka premtuar 30 mijë euro në këmbim që t’i vendoste tritolin mjetit të biznesmenit Gjon Mema në Kamëz.

Nën akuzë u vendosën dhe pjesëtarë të tjerë të bandës së Cukalit, ku pas dëshmive të vëllezërve Jamaku u zbuluan një sërë krimesh të tjera në Tiranë, përfshirë dhe baza të armatosura.

LEXONI GJITHASHTU:

• Policia aksion në Tiranë: Kapen mina me telekomandë, armë, dinamit dhe drogë
• Megaoperacion kundër trafikut të qenieve njerëzore, lëshohen rreth 26 urdhër-arreste