Basha nga Forumi i Delfit: PD po përfundon ofertën për qeverisjen e re të vendit
Kryetari i Partisë Demokratike, Lulzim Basha, është shprehur se tranzicionit në Shqipëri po i vjen fundi.
Komentet Basha i bëri nga Forumi i Delfit, ku tha se PD po përfundon ofertën për qeverisjen e re të vendit.
Basha tha gjithashtu se forcimi i marrëdhenieve me partnerin tonë strategjik, SHBA, mbetet prioritet për të gjithë shqiptarët.
Fjala e Bashës:
Me temën “Ndryshimi i Madh” pata kënaqësinë të isha një nga folësit kryesorë në Forumin Ekonomik të Delfit. Zhvillimet në teknologji na kanë vendosur në prag të një epoke të re, teksa ato gjeopolitike në prag të një prej ndryshimeve me të thella që nga rënia e Murit të Berlinit.
Shqipëria ka një potencial të jashtëzakonshëm për të bërë një kapërcim gjigant në zhvillimin e ekonomisë dhe mirëqenien e qytetarëve me ndihmën e teknologjisë dhe inovacionit. Shembujt e suksesit nga vende të krahasueshme me ne janë inkurajuese, por me vizionin e duhur, shqiptarëve do t’u jepet mundësia të përfitojnë nga këto zhvillime marramendëse që ofron teknologjia sot. Ndërsa në fushën e sigurisë dhe gjeopolitikës, forcimi i marrëdhenieve me partnerin tonë strategjik, SHBA, mbetet prioritet për të gjithë shqiptarët kudo që ndodhen në mënyrë që progresi dhe arritjet e fituara me aq mund të mos kërcënohen dot nga asgjë.
Shqipëria ka mundësi të shumta, vende dhe investitorë të huaj kanë interes, por ata duan mundësi investimi, luftë kundër korrupsionit dhe kushte të favorshme. Ne kemi një potencial njerëzor që sot kërkon mundësi jashtë vendit, pasi Shqipëria ofron pak alternativa punësimi dhe zhvillimi dhe ato janë për njerëzit e lidhur me pushtetin dhe bizneset e tyre.
Ne Partia Demokratike e Shqipërisë po përfundojmë ofertën tonë për qeverisjen e re, për mundësitë e reja të zhvillimit, punësimit dhe kushteve për investime, ku konkurenca dhe lufta kundër korrupsionit do të jenë në qendër të saj. Tranzicionit të gjatë të Shqiperisë po i vjen fundi! Një epokë e re zhvillimi dhe mirëqenieje shtrihet përpara nesh.
LEXONI GJITHASHTU:
“Opozitë e krimit”! Protestuesit nga selia e PS-së shkojnë para selisë së PD-së
Rama për median ndërkombëtare: Shqipëria nën sulm nga armiqtë dhe në luftë hibride
Dita e katër e protestës kundër projektit në Zvërnec, përplasje mes policisë dhe protestuesve
- 23:16 Mot i keq në Shkodër, autoritetet apel qytetarëve: Shmangni zonat me risk
- 23:07 “Opozitë e krimit”! Protestuesit nga selia e PS-së shkojnë para selisë së PD-së
- 22:35 Tajani: Është SHBA-ja ajo që “duhet ta ndalojë Izraelin” për paqen në LM
- 22:33 SHBA tërheq trupat nga Lituania
- 22:28 Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
- 22:27 Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta