Prodhimi i NETFLIX ‘Mank’, 10 nominime, ndër nominimet e çmimeve Oscar dhe dy filma nga Ballkani

Drama e prodhuar nga Netflix për Hollywood-in e viteve 1930-të, ‘Mank’ (Menk) udhëheq nominimet e çmimeve OSKAR me 10 nominime, duke përfshirë nominimet për filmin më të mirë, regjisorin dhe aktorët në rolet kryesore.

Çmimet më prestigjioze të industrisë së filmave, çmimet Oskar do të shpërndahen më 25 prill dhe do të zhvillohen si në Dolby Theatre në Hollywood dhe po ashtu për herë të parë dhe në Union Station në Los Angeles. Por forma e organizimit të ceremonisë nuk është njoftuar ende.

Një rekord prej 76 nominimesh, si asnjë vit tjetër më par, ishin për gratë, u shpreh Akademia e Çmimeve Oskar.

Ndërkohë që filmat nga Danimarka, Hong Kongu, Rumania, Tunizia dhe Bosnja Hercegovina u nominuan në kategorinë për filmin me të mirë ndërkombëtar. Duke bërë që këtë vit në këtë kategori të konkurrojnë dy filma nga Ballkani, njëri që tregon gjenocidin e Srebrenicës dhe filmi tjetër rumun fokusohet tek një grup gazetarësh investigativë të cilët zbulojnë një skandal korrupsioni me fondet publike shëndetësore.