Gazetari Agim Xheka: Vidhja 2-3 qese sheqer që të haja bukë!

“Zëri” i Radio Tiranës Agim Xheka vjen me një rrëfim ekskluziv për jetën e tij në emisionin “Profil” në Euronews Albania. Ai nisi punë në radio për herë të parë në moshën 14-vjeçare ku u njoh me figura si Vaçe Zela, Avni Mula, Reshat Arbana etj.

Për gazetaren Greta Topjana, Agim Xheka ka treguar pse nuk pranoi të lexonte lajmin e vdekjes së Enver Hoxhës…çfarë ndodhi kur shqiptarët thërrisnin në shesh “Ramiz Alia në litar!”, dhe cilat ishin të pavërtetat e studentëve të dhjetorit…

Në këtë rrëfim ekskluziv për jetën dhe karrierrën Agim Xheka ka treguar për jetën e tij që nga puna e parë në Radio Tirana e deri sot që ka marrë titullin mjeshtër i madh, por ai thotë që nuk është vlerësuar aq sa duhet përpos titujve që ka marrë nder vite, sidomos financiarisht.

Ai në “Profil” tha se: “Kam kaluar çaste aq të vështira sa nuk i shkon kujt në mend. Gëzoja kur të takoja ty si mike që të më jepje një kafe, dhe aty në kafe të vidhja 2-3 qese sheqer që të haja bukë, dhe këtë gjë nuk ja thashë as vajzave e as gruas time!”.

LEXONI GJITHASHTU:

• Vaji i ullirit është bërë produkti më i vjedhur nga supermarketet në Spanjë
• Vjedhje dhe drogë| “Çmontohen” 6 grupe kriminale në Greqi, 69 shqiptarë pjesë e tyre