Dëmet në bazën e vetme ajrore që Irani arriti të godiste në Izrael

Një burim amerikan i tha ABC News se pesë raketa iraniane arritën të godisnin bazën ajrore të Izraelit, “Nevatim”, gjatë sulmit ajror të Iranit të shtunën mbrëma. Goditja me raketa shkaktoi dëme në pistën kryesore, si dhe dëmtoi një avion transporti C-130 dhe disa objekte magazinimi.

Dëmi nuk është i papërfillshëm, por dukshëm më i vogël me atë që synonte të kryente Irani.

Ministri i Jashtëm i Iranit, Hossein Amir-Abdollahian, tha në një fjalim para ambasadorëve dhe përfaqësuesve të misionit diplomatik në Teheran, se “Operacioni ushtarak iranian kundër Izraelit ishte i kufizuar dhe synonte vetëm skuadriljet e avionëve F-35”.

“Sulmi izraelit ndaj konsullatës sonë shkel ligjet dhe traktatet ndërkombëtare dhe ne nuk do të hezitojmë të mbrojmë interesat tona përballë çdo sulmi”, shtoi ai.

Në sulmin e parë të drejtpërdrejtë të Iranit ndaj Izraelit, Republika Islamike lëshoi ​​rreth 350 dronë dhe raketa në të territorin e shtetit hebre.

Nga dronët dhe raketat e lëshuara, 99% e tyre u rrëzuan.

Drone dhe raketa u lëshuan gjithashtu nga Iraku, Siria, Libani dhe Jemeni. Ato përfshinin 170 dronë, 120 raketa balistike dhe 30 raketa që përmbanin mbi 60 ton eksploziv. Por vetëm një numër i vogël raketash balistike arritën të depërtojnë, pjesa dërrmuese prej tyre u rrëzuan jashtë territorit të Izraelit.

LEXONI GJITHASHTU:

• Sekretari i Përgjithshëm i OKB: Situata në Lindjen e Masme është në prag të luftës
• Sulmi i Iranit| Lerry Luxner zbulon nëse Izraeli do kundërpërgjigjet ose jo
• Ministri Gantz: Izraeli do ta caktojë çmimin e sulmit të Iranit në kohën e duhur