Çejku: Serbia do lobojë, kërcënimi që mund të bëjë Kosova të mos jetë pjesë e KiE

Ish-ambasadori në Kosovë, foli për tensionet e krijuara ditën e sotme në kufi me Serbinë, pasi Kosovës iu hap ditën e djeshme drita jeshile për të qenë pjesë e KiE.

I ftuar në emisionin “Now me Erla Mëhillin” në Euronews Albania, Çejku theksoi se shqiptarët janë tashmë në një sfidë duke shtuar se nga ana e Serbisë do të ketë dhe kërcëime.

Mes tjerash ai shtoi se nga ana e Serbisë do të ketë lobim të fuqishëm ndërsa foli dhe për atë që i intereson Rusisë.

“Në tërësi shqiptarët janë në një sprovë të madhe përsa i përket anëtarësimit të Kosovës në KiE. Më shumë se sa një provë diplomatike është gjeo strategjike Anëtarësimi i Kosovës është një siguri për ne por dhe për rajonin. Në këtë rrugë ka sfida të mëdha, Serbia nuk do të rrijë duarkryç por do të luajë të gjithë gurët përfshirë dhe paralajmërimit për largim nga KiE. Një paralajmërim i tillë mund të destabilizojë dhe klimën pozitive që mund të ekzistojnë brenda ministrave të jashtëm. Rusia është e interesuar që Serbia të mos jetë anëtare të KiE. Është një kërcënim që do luhet në të gjitha mjetet. Do të ketë një lobim shumë të ashpër të Serbisë. Të gjithë duhet të angazhohen. Kosova dhe Serbia duhet të ballafaqohen në KiE”-tha ai.

LEXONI GJITHASHTU: 

• “Deputeti i Melonit i doli kundër Kosovës”, Nurellari: Votimi në KiE sukses
• Gruaja në Brazil çon “xhaxhain” e vdekur në bankë për të marrë kredi, arrestohet