Vunë lëndë plasëse në 1 banesë, arrestohet autori. Bashkëpunëtori shpallet në kërkim

27-vjeçari Oltion Çeça është arrestuar këtë të premte në kuadër të operacionit “London” të organizuar nga  forcat speciale “Shqiponjat”, pasi dyshohet se së bashku me A. D. kanë vënë lëndë plasëse në banesën e shtetasit E. A.

Bashkëpunëtori i tij A.D., është gjithashtu në kërkim ndërsa dy persona të tjerë janë proceduar në gjendje të lirë.

Policia, në kontrollet e banesave të këtyre të fundit, gjeti sasi municioni luftarak, që u sekuestrua në cilësinë e provës materiale, së bashku me veshje që autorët e dyshuar kanë përdorur gjatë ngjarjes, një automjet dhe 5 celularë.

Njoftimi i policisë

Komisariati i Policisë Nr. 7, Tiranë, Sektori i Forcës së Posaçme për Operacionet Speciale e Kërkimin dhe Forca e Posaçme “Shqiponja” finalizuan operacionin e koduar “London”.

U vu në pranga shtetasi O. Ç., 27 vjeç, dhe po punohet për kapjen e bashkëpunëtorit të tij, shtetasit A. D., 27 vjeç, të cilët dyshohet se kanë vënë lëndë plasëse në banesën e shtetasit E. A.

Gjithashtu, në kuadër të operacionit u proceduan penalisht në gjendje të lirë shtetasit P. S., banues në Fushë Krujë, dhe A. C., banues në Fushë-Prezë.

Policia, në kontrollet e banesave të këtyre të fundit, gjeti sasi municioni luftarak, që u sekuestrua në cilësinë e provës materiale, së bashku me veshje që autorët e dyshuar kanë përdorur gjatë ngjarjes, një automjet dhe 5 celuarë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm, Tiranë.

LEXONI GJITHASHTU:

• “Shita shtëpinë për kokainë”- Historia e të rinjve që hoqën dorë nga droga
• Sulmi me thikë para shkollës në Francë, humb jetën nga ataku kardiak nxënësja