I dënuar me 4 vite burg nga Gjykata e Stambollit, shtetasi turk arrestohet në Morinë

Policia Kufitare e Morinës ndaloi këtë të premte Koray Aniç, 36 vjeç i cili ishte shpallur në kërkim ndërkombëtar nga Turqia.

Ai është dënuar nga  Gjykata e Stambollit me 4 vjet, 6 muaj e 5 ditë burgim, për rrëmbim, kanosje dhe armëmbajtje pa leje.

“Si rezultat i intervistimit të detajuar dhe shkëmbimit të informacionit ndërmjet Interpol Tiranës dhe homologëve në Turqi, u ndalua në hyrje të Shqipërisë, me qëllim ekstradimin në Turqi, shtetasi turk Koray Aniç, 36 vjeç.

Vijojnë procedurat për ekstradimin e 36-vjeçarit, në Turqi”,-thuhet në njoftimin e policisë.

LEXONI GJITHASHTU:

• Vunë lëndë plasëse në 1 banesë, arrestohet autori. Bashkëpunëtori shpallet në kërkim
• Si u zbulua spiuni polak i rusëve, plani për vrasjen e Zelenskyt