Aksident në Lushnjë, kamioni del nga rruga dhe përfundon në kanal

Një aksident automobilistik ka ndodhur në fshatin Dushk të Lushnjës gjatë mbrëmjes së sotme.

Sipas burimeve për Euronews Albania, mësohet se një kamion ka dalë nga rruga duke përfunduar në kanalin anës saj.

Nga aksidenti fatmirësisht nuk ka asnjë të lënduar dhe mësohet se kamioni ka qenë bosh, pa ngarkesë.

Policia bën të ditur se shkak i këtij aksidenti është bërë shpejtësia në lëvizje dhe lagështia në rrugë.

Për të nxjerrë mjetin nga kanali është dashur ndërhyrja e një mjeti të tonazhit të rëndë.

Deri në momentin e nxjerrjes së kamionit nga kanali, për rreth 30 minuta, është bllokuar qarkullimi i automjeteve në aksin rrugon Lushnjë-Dushk.

LEXONI GJITHASHTU:

• Ky është 25-vjeçari shqiptar që humbi jetën në aksident në Itali
• 7 të vdekur nga aksidenti në pistën e garave në Sri Lanka