Zgjedhjet e 25 prillit, Yuri Kim: SHBA do të dërgojë një ekip vëzhguesish në të gjithë Shqipërinë

Ambasadorja e SHBA-së, Yuri Kim, kreu sot një takim me kryevëzhguesen e OSBE/ODIHR Urszula Gacek, me të cilën bisedoi mbi monitorimin dhe përgatitjet për zgjedhjet e 25 prillit në Shqipëri.

Ambasadorja bëri me dije se SHBA do të kontribuojë me një ekip vëzhguesish të cilët do të shpërndahen nëpër rrethe të ndryshme të vendit për t’u kujdesur që procesi zgjedhor të kryhet në mënyrë të ligjshme. Pjes e grupit të vëzhguesve duket se do të jetë edhe vetë ambasadorja, e cila ka lënë të kuptohet se do të jetë gjithashtu në terren më 25 prill.

Discussed with Amb. Urszula Gacek, Head of @osce_odihr for election observation in , preparations for 4/25 elections. supports this important mission, including by contributing observers. US Embassy will also dispatch our team (including me) to locations around the country. pic.twitter.com/6wBc0ALOX0

— Ambassador Yuri Kim (@USAmbAlbania) March 29, 2021

Më herët gjatë ditës ambasadorja Kim u bëri thirrje qytetarëve shqiptarë të tregohen të përgjegjshëm në zgjedhjen që do të bëjnë më 25 prill, në mënyrë që “të mos ua dërzojnë fuqinë kriminelëve.

Diplomatja amerikane ka bërë disa herë thirrje javët e fundit për të larguar nga listat e kandidatëve për deputetë personat e dyshuar për korrupsion të nivelit të lartë nga Departamenti Amerikan i Shtetit.

Lexoni gjithashtu:

Zgjedhjet e 25 prillit, mesazhi i Yuri Kim: Mos ia dorëzoni fuqinë tuaj kriminelëve

”Thirrjet e Yuri Kim nuk janë për PS, kreu i PSD-së nuk është aleati ynë”, reagimi i qeverisë për apelin e ambasadores

Yuri Kim mesazh partive për përjashtimin e kandidatëve ‘non grata’ në SHBA