Problemet me shikimin, mjeku: 1 në 8 fëmijë të moshës 7-15 vjeç kanë vështirësi

Numri i fëmijëve që kanë probleme me shikimin po vjen në rritje nga vitit në vit. Mjekët e shkollave që po kryejnë depistimin e shikimit tek të gjithë nxënësit në shkollat 9-vjeçare , thonë se 1 në 8 fëmijë të grupmoshës 7-15  vjeç kanë vështirësi në shikim. Syri dembel është ai që po evidentohet më së shumti

Mjeku kërkon që si prindërit ashtu dhe mësuesit të jenë më vigjilent në identifikimin e fëmijëve që kanë probleme me shikimin por që ende nuk janë në dijeni.

Prej kohësh ekspertët kanë dhënë alarmin se përdorimi me kohë të gjatë i pajisjeve teknologjike po çon në dëmtim të shikimit.

Për të kapur në kohë problemet me shikimin prej vitit 2022 ka nisur aplikimi i Programit kombëtar të depistimit të shikimit në të gjitha shkollat 9-vjeçare të vendit. të dhënat paraprake të publikuara nga ministria e shëndetësisë për këtë vit shkollorë tregojnë se 55.030 fëmijë kanë kryer kontrolle dhe  7.336 fëmijë kanë rezultuar me problematika në shikim të cilët janë referuar te mjekët specialist.

LEXONI GJITHASHTU:

• Rriten të ardhurat në janar-mars, 80 mln euro më shumë se vjet
• E marta me reshje dhe ulje temperaturash, parashikimi i motit për javën