“Mea culpa” e Erion Braçes: Jam sjellë keq me Jozefina Topallin, i kërkoj ndjesë

Erion Braçe tha se nga jeta e tij si deputet i parlamentit të Shqipërisë ka pasur edhe raste ku është treguar pa etik e për këtë ai kërkoi ndjesë.

Në mënyrë të veçantë ai tha për “Interview nga Mirela Milori” në Euronews Albania se falje do i kërkonte ish-kryeparlamentares Jozefina Topalli.

“Mund të kemë qenë jo etik në disa raste dhe unë kërkoj ndjesë. Në disa raste duhet ti kërkoj ndjesë Jozefina Topallit, jam sjellë keq në disa raste në Parlament dhe mbase tani është momenti.

Sjellja ime, nervi im ka qenë ndonjëherë në atë kohë dhe e kam shkelur. Por kam mësuar, kam ndryshuar, tani jam pak më shumë etik nga ç’kam qenë dhe më i përmbajtur nga ç’kam qenë”,-tha Braçe.

LEXONI GJITHASHTU:

• “Më vunë pistoletën në kokë e më rrahën”, Braçe zbulon zgjedhjet e 1996
• 21 janari, Braçe në Kongresin e PS: Prokuroria e Tiranës u tall me hetimin