VIDEO| Momenti kur ndodh shpërthimi i fuqishëm me tritol në banesën e gjyqtarit

Një sasi lënde plasëse shpërtheu në orët e para të mëngjesit të së dielën në oborrin e banesës së gjyqtarit të Shkodrës Tonin Sterkaj.

Euronews Albania ka siguruar dhe pamjet e momentit kur një person ende i paidentifikuar, me kapuç në kokë, i afrohet derës së banesës private të gjyqtarit dhe vendos lëndën plasëse.

Pasi autori largohet disa metra me shpejtësi, nga kamerat është filmuar një shpërthim i fuqishëm dhe një re e zezë tymi që del nga porta e magjistratit.

Deri tani nuk ka asnjë emër të dyshuar të personit që ka hedhur lëndën plasëse i cili pas ngjarjes është largur nëpër rrugicat e lagjes.

Dyshohet se ngjarja mund të ketë ndodhur për shkak të detyrës së Sterkajt prej vitesh si gjyqtar i Gjykatës së Shkallës së Parë në Shkodër.

Ai ka kaluar disa kohë më parë dhe procesin e vetingut duke u afirmuar në detyrë.

LEXONI GJITHASHTU:

• Tritoli në banesën e gjyqtarit, reagon ministri Manja: Akt burracak
• Kaloi vetingun së fundmi, kush është gjyqtari të cilit iu vu tritoli në banesë