Përfaqëson Izraelin në Eurovizion, këngëtarja paralajmërohet mos të dalë nga dhoma

Përfaqësueses së Izraelit për Eurovizionin e këtij viti i është thënë që të mos largohet nga dhoma e saj e hotelit përveç për shfaqjet dhe ngjarjet zyrtare të Eurovizionit për shkak të protestave pro-palestineze .

Eden Golan, 20 vjeç, mbërriti në Malmö në fillim të kësaj jave mes masave të forta të sigurisë, e veshur me një karficë për të treguar solidaritet me pengjet që ende mbahen nga Hamasi.

Policia suedeze është në gatishmëri të lartë dhe madje ka kërkuar përforcime nga Danimarka dhe Norvegjia për konkursin më të madh pop në Evropë, i cili po rezulton të jetë një nga edicionet më të diskutueshme të ngjarjes, kryesisht për shkak të pjesëmarrjes së Izraelit.

Ka pasur thirrje për të bojkotuar ngjarjen , dhe më shumë se 1,000 artistë suedezë kërkuan që Golan të ndalohej të merrte pjesë, si dhe 1,4000 punëtorë të industrisë së artit finlandez.

Organizatorët EBU kishin kërcënuar se do ta skualifikonin Izraelin nëse Golan nuk rishkruante këngën e saj “Shi i Tetorit” pasi ata e panë atë shumë të ngarkuar politikisht – me atë që njihet gjerësisht si referencë ndaj sulmeve të Hamasit të 7 tetorit. Kënga u ripunua dhe u riemërua ” Uragane “, duke siguruar kështu që ajo mund të konkurronte.

LEXONI GJITHASHTU:

• Përmend sulmin e Hamas, Izraeli pranon të ndryshojë tekstin e këngës për Eurovizion
• “Zemrën n’dorë”, Besa Kokëdhima përfaqëson Shqipërinë në Eurovizion 2024