Lushnjë| Kishte përshtatur lokalin për lojëra fati, “e pëson” pronari dhe 3 klientë

Një rast i veprimtarisë së paligjshme të lojërave të fatit është goditur në Lushnjë, ku janë proceduar penalisht 4 shtetas.

Sipas burimeve nga Policia, veprimtaria e lojërave të fatit organizohej në lokalin e njërit prej të arrestuarve dhe bastet viheshin nga telefoni.

Ndërkohë materialet procedurale u referuan në Prokurori, ku nisi procedimi penal për 4 shtetasit e lartpërmendur, për veprat penale “Organizimi i lotarive të palejuara” dhe “Vënia në dispozicion e lokaleve për lojëra të palejuara”.

Njoftimi i Policisë:

Lushnjë-Në kuadër të operacionit “Sundimi i ligjit”, goditet një tjetër rast i veprimtarisë së paligjshme të lojrave të fatit.

Procedohen penalisht 4 shtetas që ushtronin këtë veprimtari. Sekuestrohen 4 celularë.

Komisariati i Policisë Lushnjë, si rezultat i kontrolleve që kryhen në kuadër të operacionit “Sundimi i ligjit”, ka goditur një tjetër rast të lojërave të fatit, që ushtrohej në lokalin e shtetasit V. S., 29 vjeç, në Lushnjë. Në këtë lokal, shërbimet e Policisë kanë konstatuar shtetasit D. D., 30 vjeç, A. Th., 56 vjeç dhe K. H., 31 vjeç, të tre banues në Lushnjë, duke vënë baste sportive nëpërmjet telefonit.

Materialet procedurale u referuan në Prokurori, ku nisi procedimi penal për 4 shtetasit e lartpërmendur, për veprat penale “Organizimi i lotarive të palejuara” dhe “Vënia në dispozicion e lokaleve për lojëra të palejuara”.

LEXONI GJITHASHTU:

• Organizonte lojëra fati, zbulohet lokali në Koplik.1 i arrestuar, në kërkim 1 tjetër
• Kontrolle në lokalet e Tiranës për lojëra fati, disa të shoqëruar