Gjysmëfinalet e Europa League: Leverkusen drejt finales, 47 ndeshje pa humbje

47 ndeshje pa humbje, askush si Leverkusen që sa vjen e bëhet edhe më i papërmbajtshëm, duke marrë një tjetër fitore, këtë herë ndaj Romës në transfertë. Të besuarit e Xabo Alonsos kanë thyer çdo parashikim, duke e parë veten thuajse në një tjetër finale, atë të Europa League, pasi më herët kanë siguruar finalen e kupës së Gjermanisë.

Në Olimpico, vendësit provuan gjithcka por pa ia dalë të shënojnë gol, edhe pse zhvilluan një ndeshje të mirë. Sfida do të zhbllokohej në minutën e 28’ nga ylli gjerman Ëirtz, ndërsa në fraksionin e dytë mesfushori i panzerave Andrich dyfishoi, duke i bërë gjërat më të lehta për ndeshjen e kthimit që luhet në BayArena.

Në përballjen tjetër, Marseja barazoi me Atalantën e Gjimshitit, me italianët që shënuan të parët me Skamakën. Në minutën e 20 do të riktheheshin ekuilibrat nga qendërmbrojtësi Mbemba. Vendësit provuan të rrezikojnë portën e Musso, por e patën të pamundur, me bergamaskët që i kënaqen një barazimi. Gjithcka mbetet e hapur për ndeshjen e kthimit. Sa i përket Conference League, Olympiacos mposhti në transfertë Aston Villën në shifrat 2-4, ndërsa Fiorentina fitoi 3-2 ndaj Club Brugge.

LEXONI GJITHASHTU:

• Interi shpallet kampion i Italisë, gdhend yllin e dytë në fanellë
• Reali mposht Barcelonën 3-2, Xavi akuza ndaj arbitrit pas sfidës