Banorët e 37 fshatrave protestë për ujin: Të ndryshojë projekti për Shushicën

Banorë të krahinës së Lumit të Vlorës kanë zhvilluar këtë të shtunë protestën e 7 radhazi. Me pankarta në duar me sloganin“ Larg duart nga Shushica” ata kundërshtojnë projektin e ndërmarrë nga qeveria për ndërtimin e një ujësjellësi.

Banorët thonë se ujësjellësi do të marrë ujin nga burimi i lumit Shushica për të furnizuar banorët e bashkisë së Himarës.

Sipas tyre, lumi Shushica është i vetmi burim jetese për këto zona. Ata i kanë bërë thirrje qeverisë që ta ndalojë këtë investim dhe në rast të kundërt ata nuk do të ndalen.

Pjesëmarrësit në protestë janë konfliktuar edhe me forcat e policisë së rendit, pas bllokimit për gati 30 minuta të kalimit të mjeteve në vendin e quajtur Ura e Lekso në fshatin Kuç.

Në ketë tubim kanë marrë pjesë banorë të 37 fshatrave ku ky lumë kalon. Protesta ka vazhduar prej më shumë se 2 orë dhe banorët kanë deklaruar se do të protestojnë sërish derisa të kenë një përgjigje nga institucionet.

LEXONI GJITHASHTU:

• Mungesa e koshave të mbeturinave, banorët e Shushicës ankohen
• Vendimet e Qeverisë/ Kumbaro: 75 mln € për trajtimin e ujërave të ndotura në Vjosë