Ndryshon sërish buxheti, 1 mld lekë për vaksinën kineze merren nga fondi për studime e projektime

Qeveria ka miratuar pagesën 1 miliardë lekë për blerjen e 1.2 milionë dozave të vaksinës kineze’ Sinovac’, të siguruara nga Turqia.

Fatura për të paguar distributorin do të përballohet me fondet rezervë të buxhetit të shtetit, konkretisht duke hequr këtë shumë nga fondi për studime dhe projektime.

Situata emergjente për blerjen e vaksinave ka detyruar qeverinë të ndryshojë për herë të dytë brenda 2 muajve, buxhetin e shtetit me akt normativ. Ky ndryshim vjen pas rishikimit në fillim të shkurtit për llogari të procesit zgjedhor.