Prishtina kujton Skënderbeun, manifestim në ditën e lindjes së Heroit Kombëtar

Organizata Shqiptaria e mbështetur nga organizatat e dala nga lufta e UÇK-së dhe Shoqata Artistët për Artistë organizuan sot një manifestim të madh për të përkujtuar sot datëlindjen e heroit kombëtar Gjergj Kastriotit Skënderbeu.

Manifestimi ka nisur rreth mesditës dhe pritet të vijojë deri në orët e vona të natës në sheshin që mban emrin e heroit kombëtar në Prishtinë.

Programi vazhdon me një varg aktivitetesh festive dhe artistike që përfshijnë arritjen e maratonistëve me pishtarin e lirisë nga Prekazi, performancat e aktorit të madh shqiptar Xhevat Limani si Skënderbeu.

Pasdite do të ketë performanca të këngëtarëve dhe ansambleve tradicionale shqiptare, duke përfshirë emra të njohur si Shkurte Fejza dhe Nikollë Nikprelaj, e shume këngëtarë të tjerë, si dhe performancat e grupeve të muzikës rock dhe pop deri në orët e vona të natës.

LEXONI GJITHASHTU:

• Nikolla mesazh në ditën e lindjes së Skënderbeut: Mbrojtës i Kontinentit të Vjetër
• Tre monumente të Skënderbeut inagurohen në Kalabri, i pranishëm presidenti Begaj