Debat publik për menaxhimin e Bylisit

Diskutimet për hartimin e planit të Menaxhimit të parkut arkeologjik Bylis-Klos u shoqëruan me debate edhe në konsultimin e dytë publik që u mbajt në Tiranë.

Projekti, i cili synon restaurimin dhe zhvillimin e një infrastrukture modern hasi kundërshtime nga përfaqësues të institutit të arkeologjisë dhe grupeve të interesit, duke krijuar debate për mungesë transparence financiare në hartimin e këtij plani por edhe për tjetërsimin e planit të menaxhimit nga ai që ishte hartuar më herët.

Edhe Bylisi duket se po shkonte drejt të njëjtit fat si  Butrinti, duke ngritur dyshime se ky sit mund të jepej me koncesion dhe t’i kalonte për menaxhim Fondit Amerikan të Zhvillimit.

Por këto zëra u hodhën poshtë nga zëvendës ministri Sokol Duma.

Plani i menaxhimit të Bylisit dhe Klosit, shihet si një projekt që do të sjellë jo vetëm ruajtjen e parkut, ruajtjen e objekteve arkeologjike, zhvillimin ekonomik të zonës dhe rritjen e numrit të vizitorëve përmes  ngritjes së një muzeu arkeologjik dhe një qendre multifunksionale.

LEXONI GJITHASHTU: 

• Rastet e dhunës në familje, Sheshi: Kemi 11 mijë denoncime dhe 6300 urdhra mbrojtje
• “Blindohet” qyteti i Malmos, agjentë të armatosur për sigurinë e Eurovision