Lejuan ndërtimet pa leje të familjarëve, arrestohen 2 zyrtarë të bashkisë Kukës

Dy zyrtarë të bashkisë Kukës janë arrestuar me urdhër të Prokurorisë për shpërdorim detyre.

Në pranga u vunë punonjësi i Inspektoratit të Mbrojtjes së Territorit Vendor (IMTV), shtetasit Besmir Ukaj dhe administratori i njësisë administrative Golaj në Kukës, shtetasit Urim Dauti.

“Masa e arrestit u kërkua pasi punonjësi i IMTV, Besmir Ukaj rezulton se nuk ka marrë masa për ndërtimet pa leje të konstatuara gjatë kësaj periudhe. Ndërkohë që edhe Kryetari i Njësisë administrative në abuzim me detyrën nuk ka sinjalizuar ndërtimin pa leje të nënës së tij, por e ka lejuar të vazhdojë”, bëhet me dije në njoftimin e Prokurorisë Kukës.

Në gjendje të lirë u proceduan edhe tre shtetas të tjerë në lidhje me këtë çështje, shtetasi K.L., inspektor në IMTV për Veprën Penale “Shpërdorim Detyre” si dhe shtetasit Z.D. dhe M.M. nën akuzë për veprën penale ‘Ndërtim i Paligjshëm’.

LEXONI GJITHASHTU:

• GJKKO kthen për hetim dosjen ndaj ish-kryebashkiakut të komanduar të Kukësit
• Vetëplagoset aksidentalisht me armë gjahu 41-vjeçari në Kukës