Vendimi i LDK-së për Vjosa Osmanin, çështje morali apo pragmatizmi? Debat mes Andi Bushatit dhe Baton Haxhiut

Lidhja Demokratike e Kosovës tha se do të marrë pjesë në zgjedhjen e presidentit të ri të Kosovës, vendim ky i bërë publik nga kreu i LDK-së, Lumir Abdixhiku.

Sipas analistit Baton Haxhiu, ky vendim i sotëm e bën “Vjosa Osmanin kryetare të LDK-së kurse Lumir Abdixhikun ushtrues detyre”. Në këndvështrimin e tij Abdixhiku po “përkëdhel” Osmanin pas gjithë atyre që i ka bërë LDK-së.

“Nga aspekti i parë duket vendim politik shumë i gabuar por nga aspekti pragmatik nuk them se është i gabuar. Ndonjëherë krenari ose dinjiteti i tepruar nuk është privilegj, përkundrazi kthehet në boomerang. Sot Lumir Abdixhiku as ka qenë krenar si kryetar i LDK-së, as dinjitoz, as politikan por nëse prekim të ardhmen atëherë, Lumir Abdixhiku ka bërë prekjen më interesante,” – u shpreh Haxhiu.

Ndërkaq analisti Andi Bushati nuk e mbështeti ironinë e Baton Haxhiut kur tha se se Abdixhiku ishte një “zëdhënës” i Vjosa Osmanit. Sipas tij vendimi i LDK-së për të qëndruar në sallë kur të bëhet zgjedhja e Vjosa Osmanit si presidente është një vendim i vështirë i nisur nga morali dhe pragmatizmi.

Sipas Bushatit, zgjedhja që ndërmori Abdixhiku ishte ajo e një njeriu që do të fillojë krijimin e lidershipit të tij.

LEXONI GJITHASHTU:

• Pozicionimi i deputetëve në listën e PS, Bushati: Majko dhe Xhafaj, të ndëshkuarit e Ramës