Skënderbeu “merr frymë” lirshëm pas barazimit me Laçin, mban vendin e katërt

Në një ndeshje shumë të luftuar, ekipi i Gvozdenoviç dukej se po rrezikonte edhe kalimin në “Play out” pasi Laçi i shënoi gol me anë të Melos. Por në minutat e fundit të sfidës, Qato shkaktoi penallti me një prekje topi me dorë dhe Rashica nuk gaboi, duke i dhënë barazimin ekipit të tij.

Me këtë rezultat, Skënderbeu mban vendin e katërt, ndërsa Laçi është zyrtarisht në play-out për mbijetesën.

Ndeshja e radhës dhe e fundit për korçarët do të jetë përballë shkodranëve, me këta të fundit të cilët “leverdinë” e kanë në qoftë se Skënderbeu do të jetë në “Top Four”, pasi kështu, do të ishte e sigurt matematikisht pjesëmarrja në Europë. Me çdo skuadër tjetër të pranishme në katërshe, kualifikimi në Europë do të ishte në pikëpyetje të paktën deri pas finales së Kupës ku vendin në Ligën e Konferencës mund ta marrë Kukësi.

Por nëse Skënderbeu shkon në katërshe, atëherë Egnatia, Partizani dhe Vllaznia janë automatikisht të sigurt për praninë në Ligën e Konferencës, meqë skuadra korçare vazhdon të jetë e dënuar nga UEFA dhe sido që të paraqitet në ”Final Four” , nuk luan dot në kompeticione europiane.

LEXONI GJITHASHTU:

• Nikolla mesazh në ditën e lindjes së Skënderbeut: Mbrojtës i Kontinentit të Vjetër
• Prishtina kujton Skënderbeun, manifestim në ditën e lindjes së Heroit Kombëtar