Mashtrime në emër të zyrtarëve, kalon për gjykim dosja e Florjan Gjergjit

Kalon për gjykim në mungesë dosja e radhës në ngarkim të supermashtruesit Florjan Gjergji.

Ndaj tij janë duke u zhvilluar në Gjykatën e Tiranës edhe dy procese të tjera për skemën e mashtrimit të biznesmenëve të ndryshëm në emër të politikanëve dhe zyrtarëve të lartë.

Gjergji është shpallur në kërkim ndërkombëtar nga Prokuroria e Tiranës ndërsa për të është lënë në fuqi masa e arrestit me burg.

Në disa raste mashtrimi të zbuluara nga policia, në pranga janë vënë disa bashkëpunëtor apo persona të përdoru nga Gjergji i cili dyshohet edhe si organizatori i rastit të fundit ku një biznezmeni nga Librazhdi iu morën 100 mijë euro në emër të Ministrit të Brendshëm Taulant Balla.

LEXONI GJITHASHTU: 

• Dhunë në protestat kundër ligjit për “agjentët e huaj” në Gjeorgji
• Interpelanca për amnistinë, Alibeaj: 110 deputetë nxorën të korruptuarit nga burgu