Netanyahu: S’na mbetet gjë tjetër veçse të shkatërrojmë Hamasin, ose ata do kthehen

Kryeministri izraelit Benjamin Netanyahu tha sot se ai shpreson të kapërcejë mosmarrëveshjet me presidentin amerikan Joe Biden kur bëhet fjalë për luftën në Gaza dhe se Izraeli “nuk ka zgjidhje tjetër veçse të shkatërrojë Hamasin”, duke përfshirë anëtarët e atij grupi në Rafah.

“Ne shpesh kemi rënë dakord, por kemi pasur edhe mosmarrëveshje. Ne kemi mundur t’i kapërcejmë ato. Shpresoj se do të jemi në gjendje t’i kapërcejmë tani, por do të bëjmë atë që duhet të bëjmë për të mbrojtur vendin tonë”, tha Netanyahu në një intervistë, raporton “Times of Israel”.

Duke folur për luftën në Gaza, Netanyahu tha se Izraeli “nuk ka zgjidhje tjetër veçse të shkatërrojë Hamasin”, duke përfshirë anëtarët e atij grupi në qytetin e Rafahut.

“Nëse nuk i shkatërrojmë, nëse i lëmë, ata do të kthehen, do të dalin nga tuneli, do të marrin përsëri Gazën dhe do të bëjnë atë që kanë premtuar, do të bëjnë 7 tetorin, këtë masakër të madhe përsëri dhe përsëri”, tha Netanyahu.

LEXONI GJITHASHTU:

• Netanjahu pas thirrjeve për vetëpërmbajtje: Do vendosim vetë si të mbrohemi
• Opozita izraelite godet Netanjahun: Na fute përsëri në luftë!