Nga vjedhjet te përndjekja ndaj të miturës, 4 të arrestuar në Tiranë

Katër persona kanë rënë në prangat e Policisë së Tiranës, për akuza të ndryshme.

Sipas burimeve zyrtare nga policia bëhet me dije se pas hekurave përfundoi një 41-vjeçar për vjedhje, një 40-vjeçar për përndjekjen e një shtetaseje të mitur, një 31-vjeçar për shkelje të masës së sigurisë ‘arrest shtëpie’ dhe një 41-vjeçar, i cili duke drejtuar automjetin u përplas me një tjetër makinë.

Po ashtu, në Komisariatin e Policisë Nr. 4, është paraqitur një 40-vjeçare, banuese në Tiranë, e cila ka kallëzuar se djali i saj 15 vjeç është larguar nga banesa. Policia po punon për gjetjen e tij.

Ndërkohë për veprat e sipër-përmendura materialet i kaluan Prokurorisë për veprime të mëtejshme proceduriale.

Njoftimi i Policisë:

Tiranë/Arrestohen 4 shtetas, për vepra të ndryshme penale.

Specialistët për Hetimin e Krimeve të Komisariatit të Policisë Nr. 2 ndaluan shtetasin A. H., 41 vjeç, banues në Tiranë, pasi dyshohet se ka vjedhur dy aparate celulare në një dyqan në afërsi të Zogut të Zi. Nga veprimet hetimore të kryera dyshohet se ky shtetas është autor i tre vjedhjeve të tjera, të kryera në vende të ndryshme të Tiranës.

Specialistët për Hetimin e Krimeve të Komisariatit të Policisë Nr. 3 arrestuan shtetasin O. P., 40 vjeç, banues në Tiranë, pasi dyshohet se ka përndjekur një shtetase të mitur.

Specialistët për Hetimin e Krimeve të Komisariatit të Policisë Nr. 6 arrestuan shtetasin R. K., 31 vjeç, banues në Tiranë, pasi ka shkelur masën e sigurisë “Arrest në shtëpi”.

Specialistët e Komisariatit të Policisë Rrugore arrestuan shtetasin J. B., 41 vjeç, banues në Tiranë, pasi në Rrugën e Elbasanit, duke drejtuar mjetin tip “Jeep”, është përplasur me motomjetin me drejtues shtetasin E. D., 27 vjeç, i cili si pasojë është dëmtuar dhe ndodhet nën kujdesin e mjekëve.

Në Komisariatin e Policisë Nr. 4, është paraqitur një 40-vjeçare, banuese në Tiranë, e cila ka kallëzuar se djali i saj 15 vjeç është larguar nga banesa. Punohet për gjetjen e tij.

Materialet i kaluan Prokurorisë.

LEXONI GJITHASHTU:

• I dyshuar për përndjekje dhe dhunë në familje, AMP shpall në kërkim policin
• Përndjekja e grave online/ Hazizaj: Grupe djemsh i bullizojnë për qëllime seksuale