Përndjekja e grave online/ Hazizaj: Grupe djemsh i bullizojnë për qëllime seksuale

Hapësira kibernetike, është kthyer në një minë me sahat për gratë dhe vajzat. Alarmi jepet nga platforma kombëtare “i sigurt.al” ku denoncimet nuk kanë ndalur. Altin Hazizaj, në një intervistë për Euronews Albania thotë, se ndryshe nga çdo vend europian në Shqipëri vërehet një miksim i gjuhës së urrejtjes dhe atyre që mund të konsiderohen qëllime seksuale.

“Pra, në Shqipëri çfarë na rezulton është se grupe të organizuara djemsh e burrash, venë në qendër të vëmendjes përgjithësisht vajza të vogla duke denigruar figurën e tyre duke i bullizuar duke u bërë presion, qëllimin final e kanë që ta shtien në dorë. Kjo lloj dhune ndodh në mënyrë tipike në adoleshencë dhe zgjat deri në moshën 30 vjeç dhe pastaj ankesat bien”,-tha Altin Hazizaj, CRCA.

Ajo çfarë është edhe më shqetësuese është se këto raste nuk janë sporadike.

“Për 8 vite na rezulton 600 e ca raste që i thonë plus minus 100 raste në vit, në 2023 shikojmë se janë 163 raste”,-tha Altin Hazizaj, CRCA.

Gjithçka nis në rrjetet sociale ndodh në një periudhë të shkurtër, por ajo çfarë mungon është hapësira ligjore për ti dënuar dhunuesit.

Por cilat janë platformat ku dhuna ndodh më shumë.

Qarku i Tiranës mban peshën kryesore të rasteve dhe incidenteve të raportuara nga gratë dhe vajzat, e ndjekur nga qarqet Durrës, Fier, Korçë Nga viti 2018 deri në 2023 incidentet e raportuar për mizogjini dhe gjuhën e urrejtjes është pesëfishuar. Edhe pse në raportime gratë mbajnë peshën e 46%, rastet tregojnë se vajzat dhe gratë janë në mbi 60% viktimat kryesore të incidenteve në hapësirën kibernetike.

LEXONI GJITHASHTU:

• Bullizmi dhe në shkolla/ ISHP: 1 në 4 fëmijë 11 vjeç përfshihen në grindje fizike
• Bullizmi në rrjetet sociale/Dine: Dhunë reale, ja sa viktima të fenomenit në 2023